У 2-м паўгоддзі 2011 года аўтамабіляў увезена ў 60 разоў менш, чым у першым

№5 (477) 3-9 февраля 2012 Автор: Служба информации «БГ»

У 2-м паўгоддзі 2011 года аўтамабіляў увезена ў 60 разоў менш, чым у першым // Фото: tuningcars.info

Увоз легкавых аўтамабіляў у Беларусь фізічнымі асобамі ў другім паўгоддзі 2011 года упаў болей як у 60 разоў, паведаміў напрыканцы мінулага тыдня намеснік старшыні Дзяржаўнага мытнага камітэта краіны Сяргей Барысюк.

«Калі ў першым паўгоддзі 2011 года фізічнымі асобамі было ўвезена прыкладна 250 тысяч легкавых аўтамабіляў, то ў другім паўгоддзі гэта лічба склала каля 4 тысяч. Што датычыцца ўвозу легкавых аўтамабіляў юрыдычнымі асобамі, то за ўвесь 2011 год імі было ўвезена 29 тысяч легкавых транспартных сродкаў», - сказаў Барысюк.

Нагадаем: з пункту гледжання беларускіх улад увоз аўто прыватнымі асобамі ў 1-м паўгоддзі 2011 года стаў адной з галоўных прычын валютна-фінансавага крызісу ў краіне.